புத்தம்

போரை வெறுத்தவன்

அமைதி விரும்பி
அதை பரவ செய்ய
இங்கிருந்து
அனுப்பிய ஆயுதம்!
பரவியதோ போர்
நமக்கெதிராய்!!!

மேலும் படிக்க [...]

Posted in கவிதைகள்

காதலினால்

காதலும்
கடவுளும் 
ஒன்றுதான்
ரெண்டுமே இருக்கு ஆனா இல்ல!!!

நீ விட்டுச்சென்ற அவ்விடமே
விழித்துகொண்டிருக்கிறது
என் மேல் நீ வைத்திருப்பதாய் சொன்ன
காதல்!!!

ஒவ்வொரு திருமணத்திலும் 
எங்காவது செத்து கொண்டுதானிருக்கிறது 
காதல்!!!

உனக்காக எழுதப்பட்ட கவிதைகளனைத்தும்
இன்று நண்பனின் காதலியிடம்
அவளுக்காக எழுதப்பட்டதாய் 
அவனிடமிருந்து!!!

நீயே வேண்டுமென்றே
வேண்டி நின்றேன்,
நீயோ வேண்டும் என்றே 
வேண்டா வெறுப்பில்
எனை வேண்டாமேன்றாய்!!!

அழகான சிறு பொய்கள் சொல்லி
உன்னை ஏமாற்றுபவனாயிருந்தேன்
ஆனாலும்
ஏமாந்து போனதோ நான் தான்
நீ என்னை விரும்புகிறாய் 
என்று சொன்ன ஒற்றை பொய்யினால்!!!

ஏதோ தவறு செய்து விட்டு
மன்னிப்பு கேட்டு அழ தொடங்கினாய்,
நானும் அழுதுவிட்டேன்
இன்று தான் புரிகிறது
என்னை மொத்தமாய் அழவைக்க
அது நீ பார்த்த ஒத்திகை என்பது!!!

எனக்கான கல்லறையை 
நானே செதுக்கி கொண்டிருந்தேன்
நீ என்னுடனிருந்த வேளைகளிலெல்லாம்!!!

காதலர் தினம் கொண்டாடுவதர்க்காகவே
இங்கு பல காதல்கள் 
முளைக்கின்றன!!!

மேலும் படிக்க [...]

Posted in கவிதைகள்

ஓநாயும் ஆட்டுக்குட்டியும்

இயக்குனர் மிஸ்கினோட ரெண்டு தோல்வி படங்களுக்கு பின்னால வந்துருக்கிற அவரோட அடுத்த படம் தான் ஓநாயும் ஆட்டுக்குட்டியும்.

இன்னும் அவருக்குன்னு ஒரு ரசிகர் கூட்டம் இருக்குதுன்னு உதயம் சந்திரன்ல தான் தெரிஞ்சுது தியேட்டர்ல ஒரு பத்து பேர் தான் படத்த பாப்போம்னு நெனச்சிட்டு போனேன் ஆனா கூட்டம் வந்துடிச்சு ஆனாலும் இது ஒரே ஆம்பளைங்க கூட்டம் மிஸ்கின் னுக்கு இன்னும் பெண் ரசிகைகள் இல்ல போல.

படத்துல உண்டுனு சொல்றத விட இல்லன்னு சொல்றது தான் அதிகம் படத்துல பாட்டு இல்ல, ஹீரோக்கு ஜோடியா ஒரு ஹீரோயின் கூட இல்ல, மத்த மிஸ்கின் படத்துல வர்ற மாதிரி மஞ்சா புடவ கட்டிட்டு ஒரு டான்ஸ் இல்ல, டாஸ்மாக் பார்ல சரக்கடிக்கிற சீனும் இல்ல, பின்னணி இசையும் இல்ல (இளையராஜா இதுக்கு பண்ணி இருப்பது முன்னணி இசை டைட்டில் கார்ட்லையும் அப்படி தான் போட்ருக்காங்க எப்பவும் போல அவரு கலக்கிட்டாரு)

முதல் பாதி விறுவிறுப்பு பின்னாடி பாதில கொஞ்சம் கம்மியானாலும் நல்ல த்ரில்லிங்கான படம் தான்.

இது எங்கயுமே சுடாம எடுக்கப்பட்ட படம்னா நிச்சயமா நல்ல படம் தான்.

மேலும் படிக்க [...]

Posted in திரை விமர்சனம்

காதலும் காதல் நிமித்தமும்...

.
காதலொன்று வாழ்க்கை தனில் நுழைந்து விட்டால்
நாசம் நாசம் சர்வமும் நாசம்...

ரத்தத்தை விட வேகமாய் பாயும்
மூளை நரம்புக்குள் ஞாபக வியாதி!

தூங்கும் நேரம் விழித்திருந்தும்
விழிக்கும் நேரம் தூங்கி போகும் விழிகள்!

காதலை மட்டுமே பேச சொல்லும்!

காதலின் இசையையே செவிகள் அறியும்!

இதயம் இருந்தும் இல்லாது போகும்!

உண்ணும் உணவோ செரிக்காத வயிறு!

சாலை சாக்கடை எதுவும் அறியாது
கையில் இருக்கும் கொலை பேசி!

மிதி வண்டி மறந்து கால்கள் நடந்தே போகும்!

இறுதியில் மிச்சமாய் இருப்பது உயிரும் மயிருமே!

காதலொன்று வாழ்க்கை தனில் நுழைந்து விட்டால்
நாசம் நாசம் சர்வமும் நாசம்...

மேலும் படிக்க [...]

Posted in கவிதைகள்

என் பப்பி

என் பப்பியின் கவிதை 
புரிவதே இல்லை 
என் மேல் வீட்டு அம்மாவுக்கு 
"நாய் ஏன் இப்படி குரைக்குது?" 
என்கிறாள்!! 
என் பப்பியை விட 
மேலும் சத்தமாய்!!!!

மேலும் படிக்க [...]

Posted in கவிதைகள்

அந்த ஒரு கேள்வி

படித்து தெளிந்த பின்னும்

பதில் கூற முடியாமல்

பாமரனிடம் தோற்கச்செய்த

அந்த ஒரு கேள்வி

இன்னும் என் நினைவில்

நீங்காத காயங்களாய்!

தூக்கத்தில் கூட,

கவிசேர்க்கும் என்னை

சிந்தனை குதிரைகளை

ஓடவிடும் நேரத்தில்

அந்த ஒரு கேள்வி

இன்னும் உறங்கவிடாமல்!

ஆயிரம் கவிதைகளில்,

ஆழ்ந்த கருத்துகளால்,

அறிவுரை கேள்விகளுடன்,

பறந்து வந்த என்னை

அந்த ஒரு கேள்வி

சிறகை என்னுடன் நெருங்கவிடாமல்!

கவிதை மன்றத்தில்

கவிபாடிய என்னிடம்

மண்ணில் அமர்ந்தபடி

கேட்கப்பட்ட

அந்த ஒரு கேள்வி

“ஆயிரம் கருத்தை சொன்னீரே

நீவீர் அதன்படி நடந்தீரா?”

மேலும் படிக்க [...]

Posted in கவிதைகள்

வெற்றியின் தங்கை

தோல்வியே
உனை நான்
வரவேற்கிறேன்!

நீ என்னை துயரப்படுத்தினாலும்
நீ என்னை காயப்படுத்தினாலும்
தோல்வியே 
உனை நான்
வரவேற்கிறேன்!

நீ என் கனவுகளை
திருடிச்சென்ற போதிலும்
நீ என் முன்னேற்ற படிகளையெல்லாம்
இடித்துவிட்ட போதிலும்
தோல்வியே
உனை நான்
வரவேற்கிறேன்!

நீயே என் தலைகணத்தை
குறையவைத்தவள்
நீயே என் கலைநயத்தை
உயரவைப்பவள்
வெற்றியின் தங்கையே
தோல்வியே
உனை நான்
வரவேற்கிறேன்!

மேலும் படிக்க [...]

Posted in கவிதைகள்

கும்கி விமர்சனம்

யானைகளை வைத்து பிழைப்பு நடத்தும் தனது நண்பர் ஒருவருக்காக கோவில் திருவிழா, கல்யாண விழா போன்ற ஊர் விழாக்களுக்கு பழக்க படுத்த பட்ட தன்னுடைய உரிமம் இல்லாத யானையுடன் ஆதி காடு என்ற மலை கிராமத்தில் அட்டகாசம் செய்யும் கொம்பன் என்ற காட்டு யானையை விரட்ட கும்கி அல்லாத தன்னுடைய யானையை கும்கி யானை என்று சொல்லி இரண்டு நாட்களில் திரும்பி விடும் நம்பிக்கையில் வருகிறார்கள் கதா நாயகனான அந்த யானையின் பாகன் விக்ரம் பிரபு, அவரது மாமா தம்பி ராமையா மற்றும் அஸ்வின் ராஜா. விவசாயத்தை மட்டுமே நம்பி வாழும் அந்த ஆதி காடு கிராமமே அவர்களை தங்களை காக்க வந்த கடவுளாய் வணங்குகிறார்கள்.

உண்மையான கும்கி யானை வரும் வரைக்கும் ஊர் மரியாதையை அனுபவிக்கலாம் என்று முடிவெடுக்கும் விக்ரம் பிரபு அந்த கிராமத்தின் ஊர் தலைவரின் மகளான லக்ஷ்மி மேனனை பார்த்த முதல் பார்வையிலேயே காதல் கொள்கிறார். காதலில் மூழ்கி தவிக்கும் விக்ரம் பிரபு அந்த காதலுக்காக அறுவடை முடியும் வரையிலும் கொம்பன் யானையை விரட்ட அங்கேயே இருக்க முடிவு செய்கிறார்.

உரிமம் இல்லாத யானை, எந்த நேரமும் காட்டுகள் இருந்து ஊருக்குள் இறங்கி விடும் காட்டு யானையின் சூழல், தனது காதல் தெரிந்தால் கட்டுப்பாடான அந்த ஊருக்குள் நடக்க போகும் விபரீதம் இவை மூன்றையும் எப்படி கதா நாயகன் சமாளிக்க போகிறார் இறுதியில் என்ன நடந்தது இது தான் கும்கி படத்தின் கதை சுருக்கம்.

கதாநாயகன் விக்ரம் பிரபுவுக்கு இது முதல் படம் சிவாஜியின் பேரன் என்றாலும் இன்னும் நடிப்பில் முதிர்ச்சி பெற அனுபவம் தேவை.

நாயகி லக்ஷ்மி மேனனுக்கும் இது தான் அறிமுக படம், மைனா அமலா பாலை போல இவரும் இன்னும் பல படங்களில் வளம் வருவார் என்று நம்பலாம்.

கௌரவ வேடத்தில் தம்பி ராமையா காமெடியிலும் பின்னி இருக்கிறார். கொம்பன் யானை எந்த நேரத்திலும் இறங்கலாம் என்ற தவிப்பில் அவரது நடிப்பை பார்த்து சிரிக்காதவர் யாருமே இல்லை.

இசையமைப்பாளர் டி. இமானுக்கு இந்த படமும் ஒரு முக்கிய படமாக அமைந்து விட்டது பாடல் வெளியான சில நாட்களிலேயே தெரிந்து விட்டது ஆனாலும் ஒவ்வொரு பாடலும் ஆரம்பிக்கும் முதல் காட்சியிலயே  அந்த பாடலுக்கான இசைய ஆரம்பித்துவிடுவது அடுத்து பாடல் வருவதற்கான உணர்வை தந்துவிடுகிறது.

ஒளிப்பதிவாளர் சுகுமார் இந்த படத்தில் தனது முழு திறமையையும் காட்டி உழைத்திருக்கிறார். சொல்லிட்டாலே பாடலில் அருவியை அவர் படம் பிடித்த விதம் மிக அருமை, படத்தின் மிக பெரிய பலம் இவரது ஒளிப்பதிவு.

மைனா படத்திற்கு பிறகு பிரபு சாலமன் இயக்கி இருக்கும் படம் என்பதால் எதிர்பார்ப்பு பல மடங்காக இருந்தும் அதை ஓரளவு தான் சமாளித்திருக்கிறார், திரைக்கதையில் இன்னும் வேகம் தேவை.

அதிக எதிர்பார்ப்பு இல்லாமல் சென்றால் நிச்சயம் படத்தை ரசிக்கலாம்.

மேலும் படிக்க [...]

Posted in திரை விமர்சனம்

மாற்றங்கள்

பேருந்திலிருந்து

இறங்கியதிலிருந்தே

ஒரு சின்ன சந்தேகம்

சேர்ந்துகொண்டே

வருகிறது

இது என் ஊர் தானா?

சத்தியமாய்

இது என் ஊர் தான்

சோல்லிக்கொண்டே

நடந்தேன்

சிறு வயதில்

சம்சு வும் நானும்

சேர்ந்து விளையாடிய

மணல் வீதிகள்

இப்போது

எங்கே போயின?

எப்போதும்

நிறைந்தேயிருக்கும்

அரசன் குளத்தின்

தண்ணீர் எங்கே?

ஓவ்வொறு

வீடுகளின் வாசலிலும்

வளர்ந்து கிடந்த

பூவரசகள்

இப்போது

வீட்டினுள்ளே

குரோட்டன்சுகளாய்

மணற்பரப்பாய் கிடந்த

சினிமா கொட்டகையிலோ

இன்று

வெல்வட்டு சீட்டுகள்

எல்லாமே மாறிவிட்டது

ஏன் அங்கே

ஒரு மனிதனை

ஐந்து பேர்கள்

விரட்டுகின்றனர்?

எல்லாம் மாறினாலும்

மாறவேயில்லை

ஊரில் ஒவ்வொருவாரின்

சாதிய எண்ணங்கள்!

மேலும் படிக்க [...]

Posted in கவிதைகள்

நாக்குகள்

எதை வேண்டுமானாலும்

பேசும் இவைகள்

அவரவர் அறியாமலேயே!

சில நேரங்களில்

நண்பர்களையும் திட்டிவிடும்

ஏனென்று தெறியாமலேயே!

அவரவர்க்குடையதாயினும்

இத்தனை ஆட்டம் போடும்

இந்த சதை துண்டுக்கு

யார்தான்

இத்தனை உரிமை தந்தவரோ

அவரே உணராமல்?

மேலும் படிக்க [...]

Posted in கவிதைகள்