பிலிஃப்ஸ் 42 இன்ச் ஃபுல் ஹெச் டி டிவி 27% தள்ளுபடி

ஸ்நாப்டீல் இணையவழி வர்த்தக தளத்தில், பிலிஃப்ஸ் நிறுவனத்தின் 42 இன்ச் ஃபுல் ஹெச்டி டிவி 27% சிறப்பு தள்ளுபடி விலையில் र 31,990 கிடைக்கிறது. இந்த டிவியை வாங்க விரும்புவோர் பின்வரும் இணைப்பை சொடுக்கவும்

http://www.snapdeal.com/product/philips-42pfl4150v7-107-cm-42/650822333970?utm_source=aff_prog&utm_campaign=afts&offer_id=17&aff_id=9863

பி.கு: அமேசான் வலைத்தளத்தில் இதே டிவியின் விலை र 41,780

மேலும் படிக்க [...]

Posted in தள்ளுபடி தகவல்கள்

வஞ்சனை

இந்த உலகத்தில் உள்ள

எல்லா வஞ்சனைகளுக்கும்,

துரோகங்களுக்கும்

விளக்கு பொருத்தி

ஒரு உருண்டை செய்தால்

அது சூரியனை விடவும்

மிக பிரமாண்டமாகவும்

அதிக வெளிச்சம் தரக்கூடியதாகவும்

இருக்கும்...

மேலும் படிக்க [...]

Posted in கவிதைகள்

காற்று

காற்று

இந்த கானகத்தின்

உயிர் மூச்சு!

மலரில் வாசமாய்

உயிரில் சுவாசமாய்

மூங்கிலில் ராகமாய்

வாழ்வின் பாகமாய்

எல்லா வடிவிலும்

நிறைந்திருக்கும்

காற்று

இந்த கானகத்தின்

உயிர் மூச்சு!

காற்று

இசையின் தொடக்கமது

மூங்கிலை

விறகாகாமல் காப்பாற்றிய

இனிய ராகமது

காற்று இல்லையெனில்

காதுகளும் தேவையில்லை

இசைக்கே உயிர்த்தந்த

காற்று

இந்த கானகத்தின்

உயிர் மூச்சு!

சாதிமத சாக்கடைகள்

மனிதன் மட்டுமே

அறிந்திருக்கும்

அவமானங்கள்

காற்றோ

சாதிமத வேறுபாடுகள்

பார்ப்பதேயில்லை

எல்லா உயிரையும்

சமமாக பாவிக்கும்

காற்று

இந்த கானகத்தின்

உயிர் மூச்சு!

எந்த மாநிலமும்

அணை போட்டு தடுக்காத

எந்த நாடுகளும்

வேலி போட்டு அடைக்காத

காற்று

இந்த கானகத்தின்

உயிர் மூச்சு!

மேலும் படிக்க [...]

Posted in கவிதைகள்

கனவுகள்

கனவுகள்

எனது கவிதைகள்

கண்களே அறியாத காட்சிகள்,

இருளிலும் அழியாத

வெளிச்சங்கள்!

கனவுகள்

இரவிலே எனது

பாதைகள்,

இதயம் இனிக்கும்

இன்பங்கள்!

கனவுகள்

ஆகாயம் தொட்டுவிடும்

ஆசைகள்,

அணையாதிருக்கும்

நெருப்புகள்!

கனவுகள்

விதைகளாயிருக்கும்

விருட்சங்கள்

வாழ்வை எட்டிப்பார்க்கும்

இலட்சியங்கள்!

மேலும் படிக்க [...]

Posted in கவிதைகள்

உணவா மருந்து

வள்ளுவனையும்,

பாரதியையும்

தினந்தோறும் படித்துவந்தேன்

அவர்களின் கருத்துகளில்

ஒரு சந்தேகம் உண்டாயிற்று

சந்தேகத்தை நிவர்த்தி செய்ய

இருவரையும் காண

சொர்க்கத்திற்கே சென்றேன்

முதலில்

வள்ளுவனைக் கண்டேன்

அய்யனே வணக்கம்

உங்கள் குறட்பாலில்

ஒரு சின்ன சந்தேகமென்றேன்

என்ன என்று வினவினார்

வள்ளுவன்

அய்யனே

செவிக்குணவில்லாத போழ்து சிறிது

வயிற்றுக்கும் ஈயப் படும்

என்றீர்

ஆனால்

எங்களின் செவிகளோ வயிற்றிற்க்கு

சிறிது ஈவதர்க்கான உணவில்லாது

அடைத்து போயிற்று! என்றேன்

வள்ளுவன்

தமது குறளை கொஞ்சம்

மாற்றி செய்தான்

'வயிற்றுக் குணவில்லாத போழ்து இங்கு

செவ்களும் மூடப் படும்"

வள்ளுவனிடம் நன்றி சொல்லி

அங்கிருந்து நகர்ந்தேன்.

அடுத்ததாக

பாரதியைக் கண்டேன்

மகாகவியே வணக்கம்

உமது பாடலில்

ஒரு சின்ன சந்தேகமென்றேன்

என்ன என்றான் பாரதி

பாரதி நீ

"தனியொறு மனிதனுக்கு

உணவில்லையெனில்

ஜகத்தினை அழித்திடுவோம்"

என முழங்கினாய்

ஆனால் நாங்கள்

இந்த ஜகத்தினை

எத்தனை முறைதான்

அழிப்பது?

பாரதியும் தமது பாடலை கொஞ்சம்

மாற்றிச் செய்தார்

தனியொரு மனிதனுக்கு மட்டும்

உணவில்லையெனில்

ஜகத்தினை அழித்திடுவோம்"

பாரதியிடமும் நன்றி சொல்லி

உணவே மருந்தாம்

என சொன்ன சித்தனை

உணவே வேண்டாத

மருந்து தரச் சொல்ல

தேடி அலைகிறேன்!

மேலும் படிக்க [...]

Posted in கவிதைகள்

மேமனும் மரண தண்டனையும்

6 டிசம்பர் 1992 தேதியில் அயோத்தியிலுள்ள பாபர் மசூதி இடிக்கப்பட்ட பிறகு ஆங்காங்கே மதக்கலவரங்கள் நடைபெற்றுகொண்டிருந்த நிலையில் 12 மார்ச் 1993 தேதியில் மும்பையில் தொடர்ந்து 13 இடங்களில் வெடித்த தொடர் குண்டு வெடிப்பில் 350க்கும் மேற்பட்டோர் பலியாகினர். இந்த குண்டு வெடிப்பில் முக்கிய குற்றவாளிகளாக கருதப்படுவோர் தாவூத் இப்ராகிம் மற்றும் டைகர் மேமன் ஆவர்.

இந்நிலையில் டைகர் மேமனின் சகோதரரான யாகூப் மேமன் நடத்தி வந்த நிறுவனங்கள் மூலமாக தான் இந்த குண்டுவெடிப்பிர்க்கான நிதி உதவிகள் நடைபெற்றதாக குற்ற சாட்டுகள் எழுந்தன. இதற்க்கு பிறகான நிகழ்ச்சிகளாய் இருவேறு மாறுப்பட்ட நிகழ்வுகள் சி.பி.ஐ தரப்பிலும் யாகூப் மேமனின் தரப்பிலும் கூறப்படுகிறது.

சி.பி.ஐ தரப்பிலோ யாகூப் மேமனை 5 ஆகஸ்ட் 1994 தேதியில் புது டில்லி ரயில் நிலையத்தில் வைத்து கைது செய்யப்பட்டதாக சொல்லப்படுகிறது. ஆனால் யாகூப் மேமன் தரப்பிலோ தனக்கும் இந்த குண்டு வெடிப்பிற்கும் சம்பந்தம் இல்லாததை நிருபிப்பதற்காகவே அவர்  இந்தியா வந்து சரணடைந்ததாகவும் ஆனால் சி.பி.ஐ யோ அவரை அவர்களே கைது செய்தது போலவும் உண்மையை திசை திருப்பிவிட்டதாகவும் சொல்லப்படுகிறது.

பின்னர் யாகூப் மேமனுக்கு மும்பை தடா நீதிமன்றம் கடந்த 2007-ம் ஆண்டு ஜூலை மாதம் தூக்கு தண்டனை விதித்து தீர்ப்பு அளித்தது. இந்த தண்டனையை மும்பை உயர்நீதிமன்றமும் உச்சநீதிமன்றமும் உறுதி செய்தது. யாகூப் மேமன் தாக்கல் செய்திருந்த கருணை மனுவும் கடந்த 11 ஏப்ரல் 2015 தேதியில் நிராகரிக்கப்பட்டது. இந்நிலையில் யாகூப் மேமன் 30 ஜூலை 2015 தேதியில் நாக்பூர் சிறையில் காலை 6.30 மணியளவில் தூக்கிலிடப்பட்டார். மரண தண்டனையை எதிர்த்த முன்னாள் ஜனாதிபதி அப்துல் கலாம் அவர்களின் இறுதி சடங்குகள் நடைப்பெற்ற தினத்தன்றே யாகூப் மேமனின் தூக்கு தண்டனையும் நிறைவேற்றப்பட்டிருப்பது வருந்ததக்கது.

இந்த சந்தர்ப்பவச நிகழ்வுகளையெல்லாம் பார்க்கும் பொழுது விருமாண்டி திரைப்படத்தில் வரும் கொத்தாள தேவன் சொல்லும் கதையும் மரண தண்டனை விதிக்கப்பட்ட விருமாண்டி சொல்லும் கதையும் தான் நினைவில் வந்து வந்து செல்கிறது. இந்த நிகழ்வுகளில் உண்மை என்பது எதுவாக வேண்டுமானாலும் இருந்து விட்டுப்போகட்டும் அனால் யாகூப் மேமனுக்கு ஏற்பட்ட இந்த முடிவிற்கும் விருமாண்டி படத்தில் இறுதியாக சொல்லப்பட்ட முடிவான கருத்தை  தான் செய்திருக்க வேண்டும், "எந்த ஒரு குற்றத்திற்குமே மரண தண்டனை என்பது ஒரு தீர்வே அல்ல"

மேலும் படிக்க [...]

Posted in கட்டுரைகள்

ஏவுகணை நாயகர்

பாரதி கண்ட அக்கினி குஞ்சை
வளர்த்தெடுத்து சிறகு முளைக்க
பறக்க செய்தவரே!

ஏவுகணைகளும் எந்திரங்களும்
எளிதாய் வசப்படுத்திய
ஏவுகணை நாயகரே!

தூக்கத்தில் வந்த
கனவுகளையும் கூட
தூங்கவிடாமல் செய்யும்
கனவுகளாய் மாற்றியவரே!

அணுவிலும் அமைதிக்கண்ட
அதிசயப்பிரவியே!
அமெரிக்காவின் செயற்கைகோளையே
அரலச்செய்த ஆச்சரியமே!

தமிழ்வழிக்கல்வியிலும்
அறிவியலை சாத்தியப்படுத்திய
அறிவியல் சக்கரவர்த்தியே!

பெயரின் பின்னால் சேர்ந்ததற்காய்
பத்மபுஷனையும் பாரதரத்னாவையும்
பெருமைப்பட செய்தவரே!

உம் தலையிலிருந்து
வழிந்ததெல்லாம்
வெள்ளை முடிகளல்ல
ஒவ்வொன்றும் மூளைகலென
உலகரியச்செய்தவரே!

காந்தி காலத்தில்
வாழமுடியாக்குறை தீர்த்த
எங்கள் விஞ்ஞான காந்தியே!

இன்று

உமது விரல்படவே
காத்துக்கிடக்கிறது
கரும்பலகைகள்!

உமதுரை கேக்கவே
தவம் கிடக்கிறது
மாணவ செவிகள்!

உமது குரலெழுப்பவே
ஏங்கி தவிக்கிறது
ஒலிப்பெருக்கிகள்!

உம் கைப்படவே
நாதத்தை சுமந்தப்படி
உமது வீணை!

புண்ணியம் தரும்
அந்த இராமேஸ்வரமே
உம்மில் புண்ணியம்
தேடிக்கொண்டது!

வெறும் கண்ணீர் அஞ்சலியுடன்
முடிந்துவிடுவதல்ல
உமக்கான அஞ்சலி
இந்தியா வல்லரசு என்பதே
உமக்கான உண்மையான அஞ்சலி!
விரைவில் வரும் அந்த காலம்
அதற்காய் எங்களை ஆசிர்வதியுங்கள் கலாம்!!!

மேலும் படிக்க [...]

Posted in கவிதைகள்

மகாபாரதம் பாகுபலி கதாபாத்திரங்களின் ஒப்பீடு

பீஷ்மர் - சத்யராஜ்

திருதராஷ்ட்டிரன் - நாசர்
துரியோதனன் - டகுபதி ராணா
அர்ஜுனன் - பிரபாஸ்
திரெளபதி - அனுஷ்கா

மேலும் படிக்க [...]

Posted in திரைத்துளி

மோனோசோடியம் குளூடாமேட்

கள்ளு இறக்குவதற்கு தடை போட்டு விட்டு டாஸ்மாக் கடைகளை திறந்து வைத்திருப்பதற்கு சமமானது தான் இன்றைக்கு தடை செய்ய பட்டிருக்கிற மேகி நூடில்சின் தடையும்.

மேகி நூடில்சின் தடைக்கான காரணமாய் சொல்லப்படுவது மோனோசோடியம் குளூடாமேட் என்ற ரசாயன உப்பு அனுமதிக்கப்பட்ட அளவைவிட அதிகம் கலக்கப்படிருப்பதே ஆனால் இன்று இந்தியாவில் புற்றிசல் போல் பரவிக்கிடக்கும் அத்தனை சைனீஸ் பாஸ்ட் புட் கடைகளிலும் அதிகமான அளவிலே எல்லா உணவு பொருட்களிலும் இந்த ரசாயன உப்பு கலக்கப்படுவதை நாம் கண்கூடாகவே காணலாம். மேகி நூடில்சை மட்டும் தடை செய்து விட்டதால் எந்த பயனும் இல்லை முதலில் தடை செய்யப்பட வேண்டியது மோனோசோடியம் குளூடாமேட் என்று சொல்லப்படுகிற வேதியியல் உப்பை தான்...

மேலும் படிக்க [...]

Posted in கட்டுரைகள்

நடிகர்களும் விளம்பரங்களும்

அண்மை காலமாகவே சில விளம்பரங்களும் அதில் நடித்த நடிகர்களும் விமர்சனத்திற்குள்ளாவது நடைபெற்று வருவதை காண்கிறோம். நிச்சயம் நடிகர்களுக்கும் சமூக பொறுப்பு இருப்பது அவசியம், இது வெறும் நடிப்பு தான் எனக்கும் அந்த விளம்பரத்திற்கும் எந்த தொடர்பும் இல்லை என்று விலகிகொள்வது நிச்சயமாக ஏற்றுகொள்ள முடியாத ஒன்று தான்.

மிகப்பெரிய கார் நிறுவனத்தின் விளம்பரத்தை ஒதுக்கிய பாலிவுட் நடிகர் ஆமிர்கானும்(http://movies.ndtv.com/…/aamir-khan-says-no-to-big-ad-deals…), வேட்டி விளம்பரத்தை ஒதுக்கிய நடிகர் ராஜ்கிரணும்(http://www.vikatan.com/news/article.php?aid=46264), முகச்சாய விளம்பரத்தை ஒதுக்கிய பாலிவுட் நடிகை கங்கனா ரனவத்தும்(http://www.hindustantimes.com/…/never…/article1-1149723.aspx) பாராட்டுதற்குரியவர்கள்.

ஒரு நடிகனை நடிகனாய் ஏற்றுக்கொள்ளாத இச்சுமூகத்திர்க்கும் இதில் பங்கு உண்டு என்பது தான் நிதர்சனமான உண்மை. நடிப்பு என்பது வெறும் பொய்யான வெளிப்பாடு என்பதை உணராமல் இந்த நடிகர் நம் பக்கத்துக்கு வீட்டு பையன் போல் இருக்கிறான் என்று அவரை நம் பக்கத்துக்கு வீட்டு பையனாகவே பாவிப்பது நிச்சயமாய் ஏற்றுக்கொள்ள முடியாதது நடிப்பது என்பது அவர்களின் தொழில் என்பதை நாம் புரிந்து கொண்டு தான் ஆக வேண்டும்.

நடிப்பு என்பது வெறும் நடிப்பு மட்டுமே அது திரைப்படமாயினும் சரி விளம்பரமாயினும் சரி. இனியும் விளம்பரங்களில் நடிக்கும் நடிகர்களை குறை சொல்வதை நிறுத்தி விட்டு எந்த பொருள் வாங்குவதாய் இருந்தாலும் நம் அறிவை பயன்படுத்துவதே நல்லது.

எப்பொருள் யார்யார்வாய்க் கேட்பினு மப்பொருண் 

மெய்ப்பொருள் காண் பதறிவு - குறள் 423

மேலும் படிக்க [...]

Posted in கட்டுரைகள்