இளைஞனே
நிமிர்ந்து நில்
இமயம் உன்னை
அண்ணாந்து பார்க்கட்டும்!
நீ குட்டக்குட்ட குனிவதில்லை
குட்டாமலே
வளைந்து ஒடிந்துபோகிறாய்
இளைஞனே
நீ
புகைக்குள் புதைந்து
புகைஞனாகிப் போனாய்
அந்த வெண்புல்லாங்குழலில்
என்ன தான் இருக்கிறது
இப்படி ஊதித்தள்ளுகிறாய்!
அந்த புல்லாங்குழலில் கேட்பது
சந்தோச ராகமென
நீ உணரலாம்
ஆனால் அது சோகராகமென்பதை
புற்றுநோய் நிருபித்துவிடும்!
போதைக்குள் புகுந்து
அடிமையாகிப் போகிறாய்
எத்தனை ஆண்டுகள் கடந்தாலும்
உன் சுதந்திரதாகம் தனியாது
நீ குடித்து குடித்தே
தாகத்தை தீர்த்துக் கொள்வதாய்
நினைக்கிறாய்
ஆனால் அது தனிவதில்லை
உனக்கு விடுதலை வாங்கி தர
எந்த காந்தியடிகளும்
வரப்போவதில்லை.
இளைஞனே
திருந்திவிடு
இமயம் உன்னை
அண்ணாந்து பார்க்கட்டும்!
நீ மட்டும் திருந்திவிட்டால்..
இளைஞனே!
கொஞ்சம் நில்
கொஞ்சம் குனிந்து கொள்
உன் தலையை
தட்டப் பார்க்கிறது வானம்!
எதிர்காலத்திற்காக